E-Peek Pahani 2024 महाराष्ट्रातील शेतकऱ्यांसाठी अत्यावश्यक सूचना देण्यात आली आहे. राज्य शासनाने शेतकऱ्यांना 1 ऑगस्ट ते 15 सप्टेंबर 2024 पर्यंत खरीप हंगामासाठी ई-पीक पाहणी करण्याचे निर्देश दिले आहेत. आता अवघे काही तास शिल्लक असून, शेतकऱ्यांनी तातडीने आपल्या पिकाची ई-पीक पाहणी करून घ्यावी, असे आवाहन कृषी विभागाकडून करण्यात आले आहे.
ई-पीक पाहणीसाठी 48 तासांची मुदत
शेतकऱ्यांना आपल्या पिकांचा विमा, पिक कर्ज आणि शासकीय योजनांचा लाभ घेण्यासाठी ई-पीक पाहणी महत्त्वाची भूमिका बजावते. या प्रक्रियेअंतर्गत शेतकऱ्यांना त्यांच्या पिकांची नोंद सातबाऱ्यावर नोंदवून घेणे आवश्यक आहे. जर ई-पीक पाहणी करण्यात आली नाही, तर संबंधित क्षेत्राला पडीत मानले जाईल आणि शेतकऱ्यांना शासकीय योजनांचा लाभ मिळणार नाही.
शासकीय योजनांपासून वंचित राहण्याची शक्यता
शेतकऱ्यांनी पुढील 48 तासांत त्यांच्या शेतात जाऊन ई-पीक पाहणी करणे गरजेचे आहे. अन्यथा, शेतकऱ्यांना हमीभाव शेती योजना आणि इतर शासकीय योजनांचा लाभ मिळण्यापासून वंचित राहण्याची शक्यता आहे. यासाठी ई-पीक पाहणी ॲपच्या माध्यमातून शेतकरी स्वतःहून ही प्रक्रिया पूर्ण करू शकतात.
शेतकऱ्यांनी वेळेवर ही प्रक्रिया पूर्ण करून शासकीय योजनांचा लाभ मिळवावा, असे आवाहन कृषी विभागाकडून करण्यात आले आहे.
शासकीय माहिती आणि योजना WhatsApp ग्रुप⚡जॉईन करा!